Selektori i ri i Kosovës në hendboll, Bujar Qerimi, ka shpallur të hënën listën për dy ndeshjet e ardhshme.
Kombëtarja jonë në kuadër të grupit të tetë të fazës së dytë kualifikuese për Evropianin e vitit 2022, i luan dy ndeshje me Rumaninë. Ndeshja e parë me rumunët është më 10 mars në Prishtinë nga ora 19:30. Ndërsa e dyta luhet më 14 mars nga ora 17:00 në Bukuresht.
Kombëtaren tonë e presin dy ndeshje të vështira me Rumaninë, por synimet janë për mobilizim të plotë dhe për të dhënë maksimumin në tentim për fitore ndaj rumunëve.
Bujar Qerimi, që në postin e selektorit u zgjodh më 17 shkurt, do të llogarit në lojtarët që edhe deri më tani ishin pjesë e ekipit kombëtar. Në listën e parë të tij nuk ka ndonjë emër të ri, ndërsa kthehen disa lojtarë që munguan në ndeshjet e para të këtyre kualifikimeve.
Grumbullimi i lojtarëve bëhet të premten (5 mars) nga ora 12:00 deri në ora 13:00 në Hotel Internacional në Prishtinë.
Ndërsa në shtabin e tij teknik janë Fatmir Muhaxheri, Veton Hajrizi dhe fizioterapeuti Agon Bytyqi.
Ekipi
| Nr | Name | Club | Position | Matches | Goals |
|---|---|---|---|---|---|
| 5 | Kastriot Jupa | KH Besa Famgas | PV | 42 | 153 |
| 11 | Valon Dedaj | HSC Kreuzlingen (SUI) | CB | 32 | 117 |
| 14 | Drenit Tahirukaj | HSC Kreuzlingen (SUI) | RB | 16 | 29 |
| 15 | Deniz Terziqi | KH Prishtina | LB | 34 | 102 |
| 16 | Armir Agushi | KH Prishtina | GK | 11 | 0 |
| 19 | Oltion Beshiri | KH Prishtina | LW | 34 | 63 |
| 24 | Luigj Quni | GC Amicitia Zürich (SUI) | PV | 25 | 31 |
| 25 | Festim Mustafa | KH Kastrioti | LB | 0 | 0 |
| 26 | Drilon Tahirukaj | KH Besa Famgas | RW | 28 | 53 |
| 27 | Lulëzim Shabani | KH Prishtina | LW | 4 | 0 |
| 28 | Haris Berisha | HSC Kreuzlingen (SUI) | GK | 24 | 1 |
| 31 | Bujar Ramosaj | KH Besa Famgas | LB | 13 | 3 |
| 33 | Jon Muqolli | KH Besa Famgas | LB | 7 | 1 |
| 34 | Leonard Gegaj | Kärra HF (SWE) | CB | 7 | 3 |
| 35 | Rron Ramadani | KH Prishtina | PV | 5 | 0 |
| 68 | Egzon Gjuka | KH Besa Famgas | CB | 23 | 51 |
| 91 | Liridon Zena | RK Zamet (CRO) | GK | 6 | 0 |
| 95 | Armend Alaj | ThSV Eisenach | RW | 2 | 2 |
Stafi teknik
| Bujar Qerimi | Selektor |
| Fatmir Muhaxheri | Trajner |
| Veton Hajrizi | Trajner |
| Agon Bytyqi | Fizioterapeut |
