Të shtunën testohen hendbollistet kandidate për Kombëtaren U17

Të shtunën, më 21 qershor, do të bëhet testimi i hendbollisteve kandidate për vend në Kombëtaren U17 të Kosovës.
Testimet do të udhëhiqen nga trajneri i kësaj grupmoshe, Verim Zherka. Testimi do të bëhet në Banjë të Pejës nga ora 10:30, ndërsa të dielën është grumbullimi i parë i kësaj grupmoshe. Edhe grumbullimi i parë është në Banjë të Pejës (10:30).
Shtabi teknik ka ftuar në testim 34 lojtare të klubeve të vendit. Por testimet janë të hapura edhe për lojtare tjera të lindura në vitin 2008, që vlerësojnë se mund të jenë të vlefshme për ekipin kombëtar. Testimet janë të hapura edhe për lojtare nga diaspora, që inkurajohen të bëhen pjesë e këtij aktiviteti të rëndësishëm.
Kombëtarja U17 e Kosovës në hendboll gjatë muajit gusht do të paraqitet në Kampionat Evropian. Evropiani B mbahet prej 4 deri më 10 gusht në Prishtinë.