Pas disa grumbullimeve shumëditore është publikuar lista finale e Kombëtares U17 të Kosovës në hendboll.
Vajzat e Kombëtares U17 do të paraqiten në Kampionatin Evropian që mbahet në Prishtinë prej 4 deri më 10 gusht.
Kryetrajneri i kësaj grupmoshe, Verim Zherka, dhe shtabi teknik i tij, presin garë të suksesshme, ndonëse është kampionati i parë kontinental për këtë grupmoshë.
Të hënën, më 4 gusht, Kombëtarja jonë U17 luan me Bullgarinë.
Më 5 gusht është ndeshja me Finlandën, ndërsa më 7 gusht me Letoninë.
Më pas janë edhe ndeshjet për plasman përfundimtar.
Në Grupin B të Evropianit B janë Italia, Izraeli, Ukraina dhe Britania e Madhe.
Grumbullimi i Kombëtares bëhet të hënën (nesër) në Prishtinë.
