Kombëtarja U19 e Kosovës në hendboll e ka zhvilluar të premten ndeshjen e dytë në Kampionatin Botëror “Egjipti 2025”.
Në palestrën “Dr. Hassan Moustafa” në afërsi të Kajros, Kombëtarja jonë u përball me favoriten e Grupit B, Hungarinë.
Hungarezët fituan me rezultat 37:28.
Megjithatë, në shumicën e kohës paraqitja e Kombëtares sonë ishte solide. Kjo jep shpresë për paraqitje më të mira në vazhdim të kampionatit e po ashtu për fitore.
Olsi Mulaj u shpall më i miri i ndeshjes.
Ai i realizoi tetë gola nga 11 tentime.
Nga katër gola i shënuan Suad Pajaziti, Drijon Istrefi dhe Amar Muqolli.
Me shumë pritje u dallua edhe Olt Kabashi.
Të shtunën Kombëtarja jonë luan me Marokun dhe do ta kërkojë fitoren e parë.
IHF / Kolektiff / Jure Erzen
