Kombëtarja U19 e Kosovës në hendboll e ka shënuar fitoren e parë në Kampionatin Botëror në Egjipt.
Të shtunën në arenën “Hassan Moustafa” në afërsi të Kajros, djemtë tanë fituan 32:22 ndaj Marokut.
Në fazën e dytë Kombëtarja jonë avancon nga pozita e tretë në grupin B dhe me dy pikë të fituara.
Në dy ndeshjet e para Kosova U19 u mposht nga Zvicra e Hungaria.
Ndaj Marokut ishte bindëse.
Pjesa e parë përfundoi 12:10, ndërsa në të dytën djemtë tanë mbajtën vazhdimisht epërsi të lartë.
Suad Pajaziti u shpall më i miri i ndeshjes. Ai e përfundoi takimin me tetë gola nga dhjetë tentime.
Ndeshje shumë të mirë kishte edhe Olt Kabashi, që bëri pritje të shumta.
Olsi Mulaj i realizoi gjashtë gola, Drijon Istefi pesë e Amar Muqolli katër.
Por në fitore kontribuan të gjithë lojtarët.
Kombëtarja jonë pushon të dielën dhe vazhdon me ndeshje të hënën.
IHF / Kolektiff / Jure Erzen
