Gjermania është kampione e Botërorit U19 në hendboll.
Në finalen dramatike e spektakolare, të dielën në Kajro të Egjiptit, Gjermania fitoi 41:40 ndaj Spanjës.
Ndeshja nuk është vendosur pas 60 minutave lojë e po ashtu as pas dy vazhdimeve nga pesë minuta. Janë luajtur edhe vazhdimet e dyta, por as 80 minuta lojë nuk mjaftuan për ta caktuar fituesin.
Vetëm pas penalltive Gjermania u shpall kampione e botës.
Gjermanët e rinj për herë të parë kanë fituar Botërorin.
Medaljen e bronztë e fitoi Danimarka që fitoi 33:31 ndaj Suedisë.
Pjesë e Botërorit të mahnitshëm në Egjipt ishte edhe Kombëtarja e Kosovës. Kombëtarja jonë përfundoi e 24-ta prej 32 ekipeve kombëtare.
IHF / Kolektiff / Sasa Pahic Szabo
