Të enjten luhen dy ndeshje të xhiros së tetë të Superligës së Kosovës në hendboll në konkurrencë të fermave.
Nga ora 18:30 zhvillohet ndeshja mes Kastriotit dhe Besës. Ndërkohë derbi i xhiros mes Samadrexhës dhe Ferizajt, fillon në ora 20:00. Kjo ndeshje luhet në palestrën “Afrim Bunjaku” në Samadrexhë.
Samadrexha është lidere me 12 pikë. I ka fituar gjashtë ndeshjet e deritashme, ndërsa synon fitore tjetër.
Ndërkohë Ferizaj është në vendin e katërt me tetë pikë. Ka katër fitore e një humbje.
Kastrioti e Besa janë ende pa pikë dhe të paktën njëri prej këtyre ekipeve do t’i ketë pikët e para.
Ndeshjet mes Shqiponjës e Prishtinës si dhe Istogut e Terezës do të zhvillohen më vonë.
Në mesjavë luhen edhe disa ndeshje të mbetura. Vëllaznimi – Rahoveci luhet të mërkurën nga ora 19:30 në Rahovec. Kjo ndeshje i takon xhiros së katërt të Superligës së hendbollistëve.
Të enjten prej orës 20:00 është ndeshja mes Llapit e Prishtinës, që po ashtu i takon xhiros së katërt të Superligës së hendbollistëve.
