Kombëtarja A e Kosovës në hendboll po e vazhdon punën në kampin stërvitor në Slloveni.
Të enjten paradite në Lashko është zhvilluar stërvitje e përbashkët me Kombëtaren e Kuvajtit, që përfshiu edhe lojë stërvitore.
Ndërkohë në mbrëmje Kombëtarja jonë luajti ndeshje kontrolluese me Slloveninë U20. Ndeshja u zhvillua në Ormozh. Fitore me rezultat 32:26 shënoi kombëtarja e re sllovene.
Përzgjedhësi i Kosovës, Jesper Ostlund, ua dha rastin të gjithë lojtarëve që i ka në grumbullim.
Ka pasur elemente pozitive, por edhe elemente në të cilat shtabi teknik po punon që të përmirësohen.
Kombëtarja të premten vazhdon me stërvitjet e radhës, kurse të shtunën është ndeshja me Algjerinë.
