Të hënën është nënshkruar marrëveshja e bashkëpunimit mes Federatës së Hendbollit të Kosovës dhe spitalit “Fati Im”.
Marrëveshjen e kanë nënshkruar sekretari i përgjithshëm i Federatës së Hendbollit të Kosovës, Muhamet Arifi dhe drejtori i spitalit “Fati Im”, Taulant Muhaxhiri.
Sipas marrëveshjes, ky spital do ta mbështesë Federatën e Hendbollit të Kosovës gjatë aktiviteteve vendore e ndërkombëtare që mbahen këtë vit.
Bashkëpunimi i deritashëm mes palëve është vlerësuar lartë, ndërsa është arritur pajtueshmëri që bashkëpunimi të thellohet në të ardhmen.
