Publikohet lista e hendbollisteve të ftuara në kampin e FHK-së

Plot 40 hendbolliste të reja janë ftuar në kampin e Federatës së Hendbollit të Kosovës. Kampi mbahet prej 2 deri më 9 korrik në Gjakovë, ndërsa trajnerë janë Granit Sahiti, Fatmire Basholli e Albina Rugova.
Koordinator i kampit për të dy gjinitë është Benon Brahushi.

Në kamp janë ftuar hendbolliste të grupmoshës U16, që pak kohë më parë përfunduan garat në ligën e pioniereve. Ato i pret një javë shumë e ngarkuar, gjatë të cilës do të marrin informata me shumë rëndësi për të ardhmen e tyre në hendboll.

Në kamp janë ftuar lojtare nga Samadrexha, Prishtina, Ferizaj, Shqiponja, Kastrioti, Deçani, Vëllaznimi, Jusuf Gërvalla, Ulpiana, Vushtrria, Dukagjini, Istogu, CLICK, KEK-u e Trepça. Do të marrin pjesë edhe dy hendbolliste që bëjnë karrierë jashtë vendit.

Grumbullimi i lojtareve bëhet prej orës 11:00 në konviktin “Sadik Stavileci”.