Rahoveci ka vazhduar me fitore në Superligën e Kosovës në hendboll në konkurrencë të meshkujve.
Të dielën mbrëma në palestrën “Mizahir Isma” në Rahovec, “vreshtarët” fituan 38:30.
Kjo ndeshje i takoi xhiros së pestë të Superligës së Kosovës.
Rahoveci i ka katër fitore nga po aq ndeshje dhe udhëheqë në tabelë me 8 pikë. Trepça mbetet me dy pikë në vendin e shtatë.
Arbios Mushkolaj i shënoi 11 gola për Rahovecin, ndërsa tetë i kishte Granit Kadiri.
Te Trepça, gjashtë gola i shënoi Amar Mujka, kurse nga pesë i shtuan Orhan Duraku e Matheus Henrique.
Është luajtur edhe ndeshja e mbetur e xhiros së dytë të Superligës së hendbollisteve mes Ulpianës dhe Shqiponjës.
Fitore me rezultat 36:18 shënoi Shqiponja e Gjakovës. Alma Nivokazi i shënoi 13 gola për Shqiponën. Tek Ulpiana nga gjashtë gola i kishin Bintou Oulare dhe Erza Canaj.
