Shqiponja e Samadrexha kanë luajtur ndeshje të fortë të enjten në palestrën “Shani Nushi” në Gjakovë.
Derbin e xhiros së katërt të Superligë së Kosovës e fitoi Samadrexha me një gol dallim, 27:26.
Samadrexhaset ishin në epërsi në shumicën e kohës. Por gjakovaret nuk janë dorëzuar duke e bërë ndeshjen interesante.
Jennifer Toledo Abreu e udhëhoqi Samadrexhën me nëntë gola. Gjashtë i shënoi Tina Hetemi e pesë Arona Krasniqi.
Ana Carolina Gonçalves dhe Nathalia Silva Fontana i kishin nga gjashtë gola për Shqiponjën.
Të dy skuadrat i kanë nga gjashtë pikë, por Shqiponja e ka një ndeshje më shumë të luajtur.
Ndërkohë Prishtina e shënoi fitoren e parë. E mposhti Kastriotin në Ferizaj me rezultat 41:27.
Kampioni, Istogu, shënoi fitore të pritur ndaj Ulpianës në Lipjan, me rezultatin 49:29.
